Profesori universitar, Ibrahim Berisha thotë se bërthamat më të korruptuara që infektuan të gjitha qeveritë e deritashme në Kosovë, janë partitë politike.

Sipas tij, Ligji për Zgjedhjet në vend delegjitimoi dhe po vazhdon të delegjitimon vullnetin demokratik të elektoratit, shkruan arbresh.info.

“Më saktë, Ligji për Zgjedhjet e Përgjithshme në Republikën e Kosovës, që nuk u pranua të ndryshohet asnjëherë nga liderët e këtyre partive, delegjitimoi dhe po deligjitimon maksimalisht vullnetin demokratik të elektoratit”, ka shkruar Berisha në Facebook.

Tutje, Berisha thotë se një ligj i tillë sic është Ligji për Zgjedhjet në Republikën e Kosovës, mundësohet kontrabandimi determinues i votës për deputet.

“Vetëm me një Ligj të tillë korruptues dhe jodemokratik, një votues pesë vota me një Zonë në gjithë Shtetin, mundësohet kontrabandimi determinues i votës për deputetë dhe përbërje të Parlamentit të paqëndrueshëm. Po kështu, shih edhe absurdin tjetër rrënues të përfaqësimit që, një parti parlamentare të ketë një të tretën apo edhe gjysmën e deputetëve nga një komunë e vogël, ndërsa komunat e ngjashme me numër elektorati, asnjë. Etj etj./arbresh.info/